ᐅᐃᕆᓯᒪᐅᑎᐅᔪᑦ ᓄᓇᕕᒻᒥ

ᓄᓇᕕᒻᒥ ᐅᐃᕆᓯᒪᐅᑎᖃᕐᓂᐅᑉ ᖃᓄᐃᓕᖓᓂᖓᑕ ᐃᓘᓐᓈᒍᑦ ᕿᒥᕐᕈᔭᐅᓂᖓ

ᐱᓇᓱᖃᑎᒌᑦᑐᓕᒫᑦ (ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᒃ, ᐃᓕᓐᓂᐊᓂᓕᕆᓂᕐᒥᒃ, ᐱᓇᓱᒐᓕᕆᓂᕐᒥᒃ, ᐳᓖᓯᐅᓂᕐᒥᒃ ᑐᑭᑖᕐᑎᓯᔨᐅᓂᕐᒥᓗ), ᓄᓇᕕᒻᒥᐅᓗ ᐊᒥᓱᑦ, ᐃᒥᐊᓗᒻᒥᒃ ᐋᖓᔮᓐᓇᑐᓂᓪᓗ ᐱᓐᓀᓗᑕᒻᒪᕆᐅᓂᕃᕗᑦ ᓄᓇᕕᒻᒥᐅᓄᑦ, ᐱᓇᓱᕝᕕᓄᑦ ᓄᓇᓕᓄᓪᓗ. ᐱᓐᓀᓗᑕᐅᓚᕿᑦᓱᓂ ᓱᕐᕋᑕᐅᓯᒪᓂᕐᓄᑦ ᐃᓕᕐᖁᓯᖃᑎᒋᖕᖏᑕᒥᓄᑦ ᑎᑭᑕᐅᓂᕕᓂᕐᒥᓄᑦ ᐊᑕᐅᓯᐅᑦᑎᑐᓪᓗ ᐊᒥᓲᓈᕐᑎᑐᓪᓗ ᖁᐊᕐᓵᖓᓇᕐᑐᑰᖃᑦᑕᓯᒪᓂᖏᓐᓄᑦ ᐃᓅᓯᒃᑯᑦ ᐊᓯᑦᔨᑕᐅᓐᓇᓱᑎᒃ. ᒣᒻᒪᑦ, ᑕᒪᒃᑯᐊ ᓱᕐᕃᓯᒪᕙᑉᐳᑦ ᐃᓅᓯᕐᒥᒃ ᐃᓚᒌᓐᓂᒥᓪᓗ ᐃᓘᓐᓀᓂᒃ, ᐃᓱᒪᒃᑯᑦ ᐃᓅᓯᒃᑯᓗ ᐃᓱᕐᕆᑐᐃᓐᓇᕈᓐᓀᕈᑎᐅᑦᓱᑎᒃ ᑐᑭᓯᕙᓪᓕᐊᓕᑌᓐᓇᑕᑦᑎᓂᒃ ᖃᓄᕐᑑᕈᑎᒋᕙᓪᓕᐊᓯᑌᓐᓇᓱᒋᓗ.

ᐊᕐᕌᒍᓂ ᖃᒻᒥᐅᓂᕐᐹᓂ, ᐊᑦᔨᒌᖕᖏᑐᑦ ᓇᐅᓕᒫᓂ-ᐃᓗᓯᓕᕆᓂᕐᒥᒃ ᐊᖓᔪᕐᖃᐅᑏᑦ ᓄᓇᕕᒥᓪᓗ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᔩᑦ ᓇᓗᓀᕐᓯᓯᒪᕗᑦ ᐅᐃᕆᓯᒪᐅᑎᓅᓕᖓᔪᓂᒃ:

  • ᖃᑦᓯᑐᐃᓐᓇᓕᒃ ᐅᑭᐅᓖᑦ, ᐅᓄᕐᓯᒋᐊᕐᓯᒪᓂᖓᓂᒃ ᐊᑕᐅᓯᐅᑦᑎᑐᑦ ᐃᒥᐊᓗᓲᑦ ᐋᖓᔮᓐᓇᑐᕐᑐᓲᓪᓗ;
  • ᐃᒥᐊᓗᒋᐊᖕᖓᓲᒍᓕᕐᑐᑦ ᐋᖓᔮᓐᓇᑐᕐᑐᕆᐊᖕᖓᓲᒍᓕᕐᑐᑦ ᐅᑭᐅᑭᓐᓂᓭᑦ;

2004-ᒥ, ᒥᑦᓴᐅᓵᕐᓱᒋᑦ 60-ᐳᓴᑦᑎᖏᑦ ᓄᓇᕕᒻᒥᐅᑦ ᐋᖓᔮᓐᓇᑐᕐᑐᑐᕕᓃᑦ ᐊᕐᕌᒍᒥ, ᓯᑕᒪᕕᓪᓗᐊᑐᒥᒃ ᐅᓄᕐᓂᓭᑦ ᑲᓇᑕᒥ ᐋᖓᔮᓐᓇᑐᕐᑐᑐᕕᓂᕐᓂᑦ ᖃᐅᔨᔭᐅᓯᒪᔪᓂᑦ. ᑳᓇᐱᔅ ᐋᖓᔮᓐᓇᑐᕐᑐᑕᐅᓂᕐᐸᐅᓲᖅ ᐊᖑᑎᓄᑦ ᐊᕐᓇᓄᓪᓗ ᖃᑦᓯᑐᐃᓐᓇᓂᒃ ᐅᑭᐅᓕᓐᓄᑦ ᑭᓯᐊᓂ ᐊᖑᑎᓄᑦ ᐅᕕᒃᑲᓄᓪᓗ ᐋᖓᔮᓐᓇᑐᕐᑐᑕᐅᓲᒍᓂᕐᐹᖅ. ᐋᖓᔮᓐᓇᑐᕐᑐᑕᐅᓂᖓ ᐊᓯᖏᑦᑕ ᐋᖓᔮᓐᓇᑐᑦ (cocaine, amphetamine)  ᐳᕐᑐᓯᕙᓪᓕᐊᑐᐃᓐᓇᒥᔪᖅ.

ᓄᓇᕕᒻᒥ ᐃᒥᐊᓗᓐᓂᐅᑦ ᐊᑦᔨᐅᖏᑦᑑᒍᑎᖓ ᐃᒥᐊᓗᓗᐊᓲᒍᓂᕐᓴᐅᒪᑕ ᐅᕝᕙᓘᓐᓃᑦ ᐊᒥᓲᓗᐊᕐᑐᓂᒃ ᐊᑕᐅᑦᓯᑯᑦ ᐃᒥᐊᓗᓲᒍᓂᕐᓴᐅᒪᑕ ᐊᓯᖏᓐᓃᑐᓂᑦ ᓄᓇᓂᑦ ᑯᐯᒻᒦᑐᓂᑦ. ᐊᒥᓲᓗᐊᕐᑐᓂᒃ ᐊᑕᐅᑦᓯᑯᑦ ᐃᒥᐊᓗᖃᑦᑕᓂᖅ ᐊᑦᑕᓇᕐᓯᒍᑕᐅᕙᑦᑐᖅ ᐱᐅᓯᒃᑯᑦ, ᐱᕋᔭᕈᑕᐅᕙᑦᓱᓂ, ᐊᖓᔪᕐᖄᕆᔭᐅᔪᑦ ᑲᒪᑦᓯᐊᕈᓐᓀᐸᑦᓱᑎᒃ ᕿᑐᕐᖓᒥᓂᒃ, ᐱᓗᑲᐅᑎᕙᑦᓱᑎᒃ, ᐱᒋᐊᖃᑦᑕᐅᑎᕙᑦᓱᑎᒃ, ᐃᑦᓯᒎᓐᓂᓗᖃᑦᑕᓱᑎᒃ, ᐊᕐᖁᓇᕐᐸᓱᑎᒃ, ᐋᖓᔮᑦᓱᑎᓪᓗ ᐊᖁᑉᐸᓱᑎᒃ. ᑭᖑᓂᖃᕈᑕᐅᕙᑦᓱᑎᒃ ᐱᓐᓀᓗᑦᓯᓂᕐᒥᒃ ᓄᓇᕕᒻᒥ ᐃᓅᒍᓐᓀᕈᑕᐅᓂᕐᓴᐅᓱᓂ ᐃᒥᕐᓯᒪᓂᖅ ᓯᑕᒪᕕᓪᓗᐊᑐᒥᒃ ᑯᐯᒻᒥᐅᓂᒥᑦ.

ᐅᖃᕐᓯᒪᔭᖏᑦ ᑐᓴᕐᓱᒋᑦ ᖃᓄᐃᖕᖏᓯᐊᕐᓂᒥᒃ ᐱᓇᓱᑦᑏᑦ ᓄᓇᓕᒥᓪᓗ ᑭᒡᒐᑐᕐᑏᑦ ᐱᓇᓱᐊᖃᑕᐅᔪᑦ ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᕐᒥᒃ, ᐱᐊᕋᑦᓴᕆᔭᐅᑦᓱᑎᒃ ᐃᒥᐊᓗᒍᑕᐅᓕᓂᐅᒧᑦ ᓱᕐᕋᑕᐅᓯᒪᓂᖅ ᐱᓐᓀᓗᑕᐅᖃᑕᐅᓂᕋᕐᑕᐅᕗᖅ ᐃᒥᐊᓗᓗᐊᖃᑦᑕᓂᕐᒨᓕᖓᑦᓱᓂ ᓱᕐᕃᓯᒪᓂᕐᐸᐅᓱᓂ ᒥᑭᓂᕐᓴᓂᒃ ᑲᒃᑲᓛᓂᒃ ᐱᐊᕋᕐᓂᒃ ᓄᓇᕕᒻᒥ. ᐱᐊᕋᑦᓴᕆᔭᐅᑦᓱᑎᒃ ᐃᒥᐊᓗᒍᑕᐅᓕᓂᐅᒧᑦ ᓱᕐᕋᑕᐅᓯᒪᓂᖅ ᓯᐊᒻᒪᓯᒪᔪᓪᓚᕆᐅᕗᖅ ᓄᓇᕕᒻᒥ, ᐃᓱᒪᓇᓗᐊᕐᓱᑎᒃ ᑲᒃᑲᓛᑦ ᐱᐊᕃᑦ ᓱᕐᕋᑕᐅᓯᒪᔪᑦ ᐃᓅᓯᓕᒫᖅ ᓱᕐᕋᑕᐅᓯᒪᓂᕆᓚᖓᔭᖏᑦ. ᐱᐊᕋᑦᓴᕆᔭᐅᑦᓱᑎᒃ ᐃᒥᐊᓗᒍᑕᐅᓕᓂᐅᒧᑦ ᓱᕐᕋᑕᐅᓯᒪᔪᑦ ᐱᐅᓯᕐᒥᒍᑦ ᐱᓐᓀᓗᑕᖃᕐᓂᐅᔭᕐᓂᓴᐅᓲᒍᕗᑦ, ᐃᓕᓴᕐᓂᒥᒃ ᓄᕐᙯᓇᑐᐃᓐᓇᕆᐊᖃᕐᓂᓴᐅᑦᓱᑎᒃ, ᐱᓇᓱᒐᖃᕈᓐᓇᖏᓐᓂᓴᐅᑦᓱᑎᒃ, ᐅᐃᕆᓯᒪᐅᑎᖃᑐᐃᓐᓇᕆᐊᖃᕐᓂᓴᐅᑦᓱᑎᒃ, ᐅᕕᒃᑫᑦ ᓴᐳᒻᒥᔨᖏᓐᓄᑦ ᐱᒍᑦᔭᐅᓂᐅᔭᕐᓂᓴᐅᑦᓱᑎᒃ, ᐊᓇᕐᕋᕆᖕᖏᑕᒥᓂᒃ ᐊᓇᕐᕋᖃᕆᐊᖃᕐᓂᓴᐅᓯᑦᓱᑎᒃ, ᑎᒍᔭᐅᒪᑐᐃᓐᓇᕆᐊᖃᕐᓂᓴᐅᓯᑦᓱᑎᒃ, ᐊᓯᖏᓪᓗ. ᓄᓇᕕᒻᒥ ᓱᕐᖁᐃᑕᐅᓪᓚᕆᒍᑎᑦᓴᑕᖃᖕᖏᑐᖅ ᐱᐊᕋᑦᓴᕆᔭᐅᑦᓱᑎᒃ ᐃᒥᐊᓗᒍᑕᐅᓕᓂᐅᒧᑦ ᓱᕐᕋᑕᐅᓯᒪᓂᖅ, ᖃᐅᔨᕙᓪᓚᑕᐅᓯᒪᓕᕋᓗᐊᕐᓱᓂ ᖃᐅᔨᔭᐅᑦᓴᐅᑎᒋᔪᐃᓪᓗ ᑲᒪᒋᔭᐅᑦᓴᐅᑎᒋᒍᓐᓇᓱᑎᒃ ᖃᐅᔨᔭᐅᑦᓴᐅᑎᒋᔪᑦ ᑲᒃᑲᓛᑦ ᐱᕈᕐᓴᑕᐅᑦᓯᐊᕈᓐᓇᓯᓂᐊᓕᕐᒪᑕ ᑌᒪ, ᐃᓅᓯᒃᑯᑦ ᓱᕐᕋᑕᐅᓯᒪᓪᓗᐊᕈᓐᓀᓂᕐᓴᐅᓂᐊᓕᕐᒪᑕ. ᐱᐊᕋᑦᓴᓖᑦ ᐃᒥᐊᓗᖃᑦᑕᖏᒃᑯᑎᒃ ᓱᕐᕋᑕᐅᓯᒪᔨᐊᖃᖕᖏᑑᒍᓐᓇᓯᐊᕐᑐᑦ 100-ᐳᓴᑦᑎᒥᒃ.

ᓄᓇᕕᒻᒥ ᐅᐃᕆᓯᒪᐅᑎᓕᓐᓂᒃ ᐱᒍᑦᔨᐅᑏᑦ ᐃᓘᓐᓈᒍᑦ ᕿᒥᕐᕈᔭᐅᓂᖓ

ᓄᓇᕕᒻᒥ ᐋᖓᔮᕋᓱᐊᕈᑕᐅᓲᑦ ᐊᑐᕐᓂᓗᑦᑕᐅᓂᖓᑕ ᖃᓄᐃᓕᖓᓂᖓ ᐅᒡᓗᒥᐅᓕᕐᑐᖅ ᑕᑯᑦᓱᒍ, ᐱᒍᑦᔨᐅᑎᐅᒋᐊᓖᑦ ᐅᐃᕆᓯᒪᐅᑎᓅᓕᖓᔪᓂᒃ ᓈᒻᒪᓯᐊᒐᓛᖕᖏᑐᑦ.

ᓄᓇᓕᑐᙯᑦ ᐃᑲᔪᖃᑎᒌᑦᑐᑦ ᓄᓇᕕᒻᒥ ᓯᕗᓕᕐᑎᐅᕗᑦ ᐃᑯᓪᓚᑎᑦᓯᒐᓱᐊᕐᓂᒥᒃ ᖃᐅᔨᒪᔭᐅᑎᑦᓯᓂᕐᒥᓗ ᐋᖓᔮᕋᓱᐊᕈᑕᐅᓲᑦ ᐊᑐᕐᓂᓗᑦᑕᐅᓂᖓᓂᒃ. ᐊᑯᓂ ᑕᒪᑐᒥᖓ ᑐᓂᒪᐅᑎᖃᓕᕋᓗᐊᕐᓱᑎᒃ, ᓄᓇᓕᑐᙯᑦ ᐃᑲᔪᖃᑎᒌᑦᑐᑦ ᐱᓇᓱᖃᑎᖏᓪᓗ ᐊᕐᓱᕉᑎᖃᕐᐸᐳᑦ ᖃᓄᐃᖕᖏᓯᐊᕐᑐᒥᒃ ᐃᓅᓯᖃᕆᐊᖃᕐᓂᒥᒃ ᑫᓪᓚᑐᐃᒍᑎᖃᕋᓱᐊᕐᓱᑎᒃ ᓄᓇᕕᒻᒥᐅᓂᒃ ᐅᓄᕐᓂᓴᓂᒃ. 

ᓄᓇᕕᒻᒥ, ᓄᓇᓕᒻᒥ ᐋᓐᓂᐊᕕᐊᐱᓐᓂ ᐱᒍᑦᔨᐅᑏᑦ ᐅᐃᕆᓯᒪᐅᑎᓕᓐᓂᒃ ᐱᒍᑦᔨᕕᐅᓲᑦ. ᓄᓇᓕᒻᒥ ᐋᓐᓂᐊᓯᐅᕐᑎᑐᐃᓐᓀᑦ ᐃᓄᓕᕆᔩᓪᓗ ᐱᒍᑦᔨᑎᓪᓗᒋᑦ. ᐅᐃᕆᓯᒪᐅᑎᓖᑦ ᖃᐅᔨᑎᑦᓯᒍᑕᐅᒍᓐᓇᑐᑦ ᐋᓐᓂᐊᓯᐅᕐᑎᒪᕆᓐᓄᑦ ᐱᓇᓱᐊᕐᑐᓄᑦ ᓄᓇᓕᒻᒥ ᐊᓯᐊᓂᓘᓐᓃᑦ ᓄᓇᓕᒻᒥ ᐱᓇᓱᐊᕐᑐᓄᑦ.

ᑕᒪᓐᓇ ᐱᓐᓀᓗᑕᒻᒪᕆᐅᒐᓗᐊᕐᓱᓂ ᐱᒍᑦᔨᐅᑏᓪᓗ ᑭᖕᖒᒪᓇᕐᑐᒪᕆᐅᒐᓗᐊᕐᑎᓗᒋᑦ ᐃᒥᐊᓗᒻᒥᒃ ᓄᕐᖃᕈᓐᓇᖏᕐᓯᒪᓂᕐᒨᓕᖓᔪᑦ ᐋᖓᔮᓐᓇᑐᓂᓪᓗ ᐊᑐᕐᓂᓗᓐᓂᒨᓕᖓᔪᑦ, ᓄᓇᕕᒻᒥ ᐃᑭᑦᑑᕗᑦ ᐱᒍᑦᔨᒍᓇᑐᑦ ᐱᓇᓱᑦᑎᒪᕆᐅᑦᓱᑎᒃ ᐊᑕᐅᓯᑐᐃᓐᓇᒥᓪᓗ ᒪᒥᓴᕐᕕᓴᖃᕐᓱᓂ ᐃᓄᒻᒪᕆᓐᓄᑐᐊᖅ: ᐃᓱᐊᕐᓯᕕᒃ ᒪᒥᓴᕐᕕᒃ. ᐊᒻᒪᓗ, ᑖᓐᓇ ᓄᓇᓕᒻᒥ ᐱᓇᓱᕝᕕᒃ ᕿᑐᕐᖓᓕᔭᕐᑐᓂᒃ ᐱᒍᑦᔨᕕᐅᒐᓂ. ᐊᒥᓱᑦ ᓄᓇᕕᒻᒥᐅᑦ ᓄᓇᕕᐅᑉ ᓯᓚᑖᓃᑦᑐᓄᑦ ᐅᐃᕆᓯᒪᐅᑎᓕᓐᓂᒃ ᐱᒍᑦᔨᕕᓐᓂᒃ ᓇᓪᓕᑳᓲᒍᕗᑦ ᖁᔭᐅᓂᕐᒥᓄᓪᓘᓃᑦ ᐱᒍᑦᔭᐅᒋᐊᕐᑐᕕᒋᑦᓱᒋᑦ.

ᐊᒻᒪᓗ, ᓄᓇᕕᒻᒥ ᐱᒍᑦᔨᕕᑦᓴᖃᖕᖏᒥᔪᖅ ᑭᖑᓂᖓᒍᑦ ᒪᒥᓴᕐᕕᒦᑦᑐᕕᓃᑦ ᐱᒍᑦᔭᐅᕕᑦᓴᖏᓐᓂᒃ ᓴᐳᑦᔭᐅᕕᑦᓴᖏᓐᓂᓗ ᓄᓇᕕᒻᒥᐅᑦ. ᑌᒪ ᐱᐅᓯᑐᖃᕕᓂᕐᒥᓄᑦ ᐅᑎᕐᓂᐅᔭᕐᓂᓴᐅᑐᐃᓐᓇᓂᐊᓕᕐᒪᑕ.

ᐃᓱᓕᐅᑎᖏᑦ 

ᐋᖓᔮᕋᓱᐊᕈᑕᐅᓲᑦ ᐊᑐᕐᓂᓗᑦᑕᐅᓂᖓᑕ ᐱᒐᓱᐊᒻᒪᕆᓐᓇᑑᓂᖓᓄᑦ, ᓄᓇᕕᒻᒥ ᑲᔪᓯᓂᖓ ᐱᒍᑦᔨᐅᑏᑦ ᓲᖑᓯᑎᑕᐅᑦᓴᐅᑎᒋᒋᐊᖃᓕᕐᖁᑦ. ᐃᑯᓪᓚᑎᑦᓯᒐᓱᐊᕈᑎᑦᓭᑦ, ᓱᕐᖁᐃᓯᑦᓯᐊᕈᑎᑦᓭᑦ, ᓄᓇᓕᒻᒥ ᐱᓇᓱᑦᑎᖃᕐᓃᑦ ᐅᐃᕆᓯᒪᐅᑎᓕᓂᓪᓗ ᐱᒍᑦᔨᐅᑎᑦᓭᑦ ᓄᐃᑕᐅᒋᐊᓖᑦ.

ᐊᒻᒪᓗ, ᓄᓇᕕᒻᒥ ᐱᓇᓱᕝᕖᑦ ᓯᕗᓕᕐᑎᖏᓪᓗ ᓄᓇᕕᒻᒥᐅᓗ ᐱᓇᓱᐊᕆᐊᖃᓕᕐᑐᑦ ᐊᓯᑦᔩᒋᐊᕐᓂᒥᒃ ᐃᓅᓯᕐᒥᒃ ᐱᐅᓯᐅᔪᕆᔭᐅᑐᐃᓐᓇᓕᕐᑐᒥᒃ ᐃᒥᐊᓗᓗᐊᖃᑦᑕᓂᕐᒥᒃ (ᐊᑕᐅᑦᓯᑯᑦ ᐊᒥᓲᓗᐊᕐᑐᓂᒃ) ᐋᖓᔮᓐᓇᑐᕐᑐᓗᑭᓐᓂᒥᓪᓗ.

 

 

How can click here for information I have an opinion on something im just learning about.