ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᖅ

All links on this page will open in a new window of your browser.

ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᖅ: ᐃᓘᓐᓇᒍᑦ ᕿᒥᕐᕈᔭᐅᓂᖓ

2004-ᒥ, ᑯᐯᒃᑯᑦ ᐱᖁᔭᖓ ᐱᑦᔪᑎᓕᒃ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐊᓯᑦᔨᒋᐊᕐᑕᐅᓚᐅᔪᑎᓪᓗᒍ ᑯᐯᒻᒥ ᐱᒍᑦᔨᐅᑏᑦ ᓄᑕᐅᓯᓕᕐᑕᐅᖁᔭᐅᓚᐅᔪᕗᑦ ᓄᐃᑦᓯᖁᔭᐅᑦᓱᑎᒃ ᓄᓇᓕᒻᒥ ᐊᑕᐅᓯᐅᓚᕿᖓᔪᒥᒃ ᐱᓇᓱᖃᒌᒍᑎᖃᕐᓂᐊᑎᓪᓗᒋᑦ ᒪᑭᑕᑦᓯᐊᕋᓱᐊᕈᑎᑦᓴᓅᓕᖓᔪᓂᒃ. ᑌᔭᐅᓂᖃᓚᐅᔪᕗᖅ ᐱᓇᓱᑦᑕᐅᓂᑦᓴᖓ ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᕐᒥᒃ.

ᓄᓇᕕᒻᒥ, ᑕᒪᓐᓇ ᐱᓇᓱᐊᕐᑕᐅᓯᔪᕕᓂᖅ 2009-ᒥ ᑌᔭᐅᑦᓱᓂ ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᕐᒥᒃ. ᓄᓇᕕᒻᒥ ᐱᓇᓱᐊᕐᑕᐅᓂᖓ ᐱᖓᓱᓂᒃ ᑐᕌᒐᖃᕈᑕᐅᔪᖅ:

  1. ᓲᖑᓯᑎᑦᓯᒋᐊᕐᓂᖅ ᓄᐃᑦᓯᓂᕐᓘᓃᑦ ᐱᒍᑦᔨᐅᑎᓂᒃ ᓇᓗᓀᕐᑕᐅᓯᒪᔪᓂᒃ ᓄᓇᓕᓕᒫᓂ ᓯᕗᓪᓕᐅᔨᒐᑦᓴᐅᓱᑎᒃ ᐱᓇᓱᖃᑎᒌᑦᑐᓄᑦ;
  2. ᓲᖑᓯᑎᑦᓯᒋᐊᕐᓂᖅ ᐱᓇᓱᖃᑎᒌᓐᓂᕆᔭᖏᓐᓂᒃ ᓄᓇᓕᓐᓂ ᓄᓇᓕᓕᒫᓂᓪᓗ ᐱᓇᓱᕝᕖᑦ ᐃᓅᓯᒃᑯᓗ ᖃᓄᐃᖕᖏᓯᐊᕆᐊᖃᕐᓂᑯᓪᓗ ᐱᓐᓀᓗᑕᐅᔪᑦ ᐱᔭᕆᐊᑐᔪᐊᓘᒻᒪᑕ ᐅᖃᐅᓯᐅᒋᐊᖃᕐᓱᑎᓪᓗ ᑲᑐᑦᔮᕆᔭᐅᓗᑎᒃ;
  3. ᐊᓯᑦᔨᒋᐊᕐᓗᒋᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐅᑏᑦ ᐸᕐᓀᑕᐅᓯᒪᐅᑎᖏᑦ ᓄᓇᕕᒻᒥ ᐃᓄᐃᑦ ᓯᕗᓕᕐᑏᓗ ᐸᕐᓀᖃᑕᐅᓂᐊᕐᑎᓗᒋᑦ ᑐᑭᑖᖃᑕᐅᓂᐊᕐᑎᓗᒋᓪᓗ ᐱᓇᓱᐊᕐᑕᐅᓂᖓᓂᒃ.

2009-ᒥ, ᐃᓅᓕᑦᓯᕕᒃ ᐋᓐᓂᐊᕕᒃ ᐊᒻᒪᓗ ᐅᖓᕙᒥᐅᑦ ᐋᓐᓂᐊᕕᖓ ᑐᓚᑦᑕᕕᒃ ᓇᓗᓀᕐᓯᓂᕐᖁᑦ ᐱᓇᓱᐊᕐᑕᐅᒍᒪᓯᒪᔪᓂᒃ ᓄᓇᕕᒻᒥ ᐊᕐᕌᒎᓚᖓᔪᒥ: ᐅᕕᒃᑫᑦ ᐃᑲᔪᕐᑕᐅᒋᐊᓖᑦ, ᐅᐃᕆᓯᒪᐅᑎᖃᕐᓃᑦ, ᐃᓱᒪᒃᑯᓗ ᐃᑲᔪᕐᑕᐅᒋᐊᓕᓐᓂᒃ ᐱᒍᑦᔨᐅᑏᑦ.

ᔫᓂ 2010-ᒥ, ᖃᓄᐃᖕᖏᓯᐊᕐᓂᒥᒃ ᖃᓄᐃᖕᖏᓯᐊᕐᓂᓕᕆᓂᕐᒥᓗ ᐱᓇᓱᐊᖃᑎᒌᑦᑐᑦ ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔨᖏᑦ ᓄᓇᕕᒻᒥ ᑲᑎᒪᓂᖃᕐᑎᓗᒋᑦ, ᓄᓇᓕᓕᒫᓂ ᐱᓇᓱᕝᕖᑦ – ᐊᑦᔨᒌᖕᖏᑐᑦ ᐱᓇᓱᖃᑎᒌᑦᑐᖁᑎᖏᑦ, ᐃᓄᐃᑦ ᑲᑐᑦᔨᖃᑎᒌᓐᓂᖏᑦ ᐊᒻᒪᓗ ᓄᓇᓕᓐᓂ ᐱᓇᓱᕝᕖᑦ ᓇᓗᓀᕐᓯᓚᐅᔪᕗᑦ ᖁᓕᐅᖕᖏᒐᕐᑐᓂᒃ ᐱᒍᑦᔨᐅᑎᓂᒃ ᓲᖑᓯᑎᒋᐊᕐᑕᐅᒋᐊᓕᓐᓂᒃ ᓄᐃᑕᐅᒋᐊᓕᓐᓂᓘᓐᓃᑦ ᓄᓇᓕᓕᒫᓂ ᓯᕗᓪᓕᐅᔨᒐᑦᓴᐅᓚᖓᓗᑎᒃ ᐱᖓᓱᓅᓕᖓᔪᑦ ᐊᒡᓚᑕᐅᓯᒪᑫᓐᓇᑐᓄᑦ.

2010-ᒥ ᐅᑭᐊᑦᓴᐅᓚᐅᔪᑎᓪᓗᒍᓂᑦ, ᐊᒥᓱᑦ ᑲᑎᒪᔨᐅᕕᓕᐊᒍᓯᒪᓕᕐᖁᑦ ᖃᐅᔨᓴᕐᑐᓴᐅᑦᓱᑎᒃ, ᖃᐅᔨᒋᐊᕐᑐᓴᐅᑦᓱᑎᒃ ᕿᒥᕐᕈᑐᑦᓴᐅᓱᑎᓪᓗ ᐃᒣᓕᖓᔪᑦᓴᐅᖂᕐᒪᑖᓚᒍᑎᑦᓴᓕᐅᕆᐊᖕᖓᑐᑦᓴᐅᓱᑎᒃ ᐱᒍᑦᔨᐅᑏᑦ ᐱᑦᓯᐊᕆᐊᕐᑕᐅᒍᑎᑦᓴᖏᓐᓂᒃ ᓄᐃᑕᐅᒍᑎᑦᓴᖏᓐᓂᓗ ᓯᕗᓪᓕᐅᔨᒐᑦᓴᓕᐊᒍᓯᒪᔪᑦ. ᑌᑲᖕᖓᓂᑦ, ᐊᒥᓱᑦ ᐃᒣᓕᖓᔪᑦᓴᐅᖂᕐᒪᑖᓚᒍᑎᓕᐊᒍᓯᒪᔪᑦ ᐱᔭᕇᕐᑕᐅᓯᒪᕗᑦ, ᐊᖏᕈᑕᐅᑦᓱᑎᓪᓗ ᐱᓇᓱᖃᑎᒌᑦᑐᓄᑦ, ᐊᖏᕐᑕᐅᓱᑎᓪᓗ ᓄᓇᕕᒻᒥ ᐃᓗᓯᓕᕆᕕᐅᑉ ᑲᑎᒪᔨᖏᓐᓄᑦ ᑮᓇᐅᔭᖃᕐᑎᑕᐅᑦᓱᑎᓪᓗ ᑯᐯᒃᑯᑦ ᑲᕙᒪᖓᓄᑦ. ᓄᓇᕕᒻᒥ ᐃᓗᓯᓕᕆᕕᒻᒥᑦ ᐊᑕᐅᑦᓯᑰᕐᑎᑕᐅᓂᖃᕋᓗᐊᕐᓱᑎᒃ, ᐃᒣᓕᖓᔪᑦᓴᐅᖂᕐᒪᑖᓚᒍᑎᓕᐊᒍᓯᒪᔪᑦ ᐊᒡᓚᑕᐅᒋᐊᖕᖓᓯᒪᕗᑦ ᑲᑐᑦᔮᕆᔭᐅᑦᓱᑎᒃ ᐱᓇᓱᖃᑎᒌᒍᑎᓕᓐᓄᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐊᑦᔨᒌᖕᖏᑐᓂᒃ ᑲᑎᒪᔨᓕᐊᒍᓯᒪᔪᓂᒃ ᐱᓇᓱᖃᑎᖃᕐᓱᑎᒃ.

ᐅᒡᓗᒥᒧᑦ, 40 ᐅᖓᑖᓅᕐᑐᑦ ᐱᓇᓱᕝᕖᑦ 150 ᐅᖓᑖᓅᕐᑐᐃᓗ ᐊᑕᐅᓯᐅᑦᑎᑐᑦ ᐃᓚᐅᕙᑉᐳᑦ ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᕐᒧᑦ. ᑕᒪᑐᒪ ᐱᓇᓱᐊᕐᑕᐅᓂᖓ ᐊᓯᑦᔩᒍᑎᓪᓚᕆᐅᕗᖅ ᐃᓱᒪᒋᔭᐅᒍᓯᖓᓂᒃ ᓄᓇᕕᒻᒥ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐅᑏᑦ ᐱᓇᓱᖃᑎᒌᒍᑕᐅᓂᖓᑕ. ᑐᑭᒧᐊᒍᑎᑦᓭᑦ ᐱᓇᓱᐊᕐᑕᐅᕙᓪᓕᐊᒍᑎᑦᓴᖓᓂᒃ ᑲᑐᑦᔮᕆᔭᐅᓯᒪᕗᑦ ᑐᖕᖓᕕᖃᕐᓱᑎᓪᓗ ᐱᓇᓱᖃᑎᒌᒍᑕᐅᓗᑎᒃ ᐱᓇᓱᐊᕐᑕᐅᓂᐊᕐᓯᒪᓂᖓᓂᒃ ᓄᓇᕕᒻᒥᐅᑦ ᑭᖕᖒᒪᒋᔭᖏᑎᒍᑦ ᐱᒍᒪᔭᖏᑎᒍᓪᓗ.

ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔩᑦ ᓄᓇᕕᒻᒥ ᖃᓄᐃᖕᖏᓯᐊᕐᓂᓕᕆᓂᕐᒥᒃ ᒪᑭᑕᑦᓯᐊᕆᐊᖃᕐᓂᒥᓪᓗ ᐱᓇᓱᖃᑎᒌᒍᑎᓖᑦ  

ᐱᒍᑦᔨᒍᑎᐅᖁᔭᐅᔪᑦ ᐱᖓᓱᓂᒃ ᕿᒥᕐᕈᔭᐅᔪᓂᒃ ᐱᔭᕆᐊᑐᔪᒻᒪᕆᐅᓚᖓᒻᒪᑕ ᓯᕗᓪᓕᐅᔨᒐᑦᓭᑦ ᓇᓗᓀᕐᑕᐅᓴᐅᑎᒋᒋᐊᖃᓕᕐᖁᑦ. ᑐᑭᑖᕈᑕᐅᓐᓂᖁᖅ ᐃᓂᓪᓚᑕᐅᔪᖃᕐᓂᐊᑎᓪᓗᒍ ᓄᓇᓕᓕᒫᓂᒃ ᑭᒡᒐᑐᕐᑐᑦ ᑲᑎᒪᓂᖃᕋᔭᕐᑎᓗᒋᑦ ᐱᓇᓱᖃᑎᒌᒍᑎᓖᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᓄᓇᕕᒻᒥ ᐊᑕᐅᑦᓯᑯᑦ ᓯᕗᓪᓕᐅᔨᒐᑦᓴᓕᐅᕐᖄᖁᑦᓱᒋᑦ ᐱᒍᑦᔨᐅᑎᑦᓴᓂᒃ ᐱᑦᓯᐊᕆᐊᕐᑕᐅᒋᐊᓕᓐᓂᒃ ᓄᐃᑕᐅᒋᐊᓕᓐᓂᓘᓐᓃᑦ. ᑖᒃᑯᐊ ᓄᓇᓕᓕᒫᓂᒃ ᑭᒡᒐᑐᕐᑐᑦ ᑲᑎᒪᔩᑦ ᑌᔭᐅᓯᔪᕕᓃᑦ ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔩᑦ ᓄᓇᕕᒻᒥ ᖃᓄᐃᖕᖏᓯᐊᕐᓂᓕᕆᓂᕐᒥᒃ ᒪᑭᑕᑦᓯᐊᕆᐊᖃᕐᓂᒥᓪᓗ ᐱᓇᓱᖃᑎᒌᒍᑎᓖᑦ.

ᓄᓇᕕᒻᒥ ᐃᓗᓯᓕᕆᓂᐅᑉ ᐃᓄᓕᕆᓂᐅᓪᓗ ᖃᓄᐃᓕᖓᓂᖓᑕ ᐱᔭᕆᐊᑐᔫᓂᑯᖓᓄᑦ, ᐊᑦᔨᒌᖕᖏᑐᓂᒃ ᐱᓇᓱᕝᕕᓂᒃ ᑭᒡᒐᑐᕐᑐᑦ ᙯᕐᖁᔭᐅᓯᒪᓚᐅᔪᕗᑦ ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔨᓄᑦ. ᑲᑎᑦᓱᑎᒃ, 33 ᐱᓇᓱᕝᕖᑦ ᐊᒡᓚᕖᓪᓗ ᑭᒡᒐᑐᕐᑎᖃᓚᐅᔪᕗᑦ 65 ᐅᖓᑖᓅᕐᑐᓂᒃ ᑰᑦᔪᐊᒥ ᑲᑎᒪᓂᖃᕐᑎᓗᒍ ᔫᓂ 2-ᒥᑦ 4-ᒧᑦ, 2010. ᑖᓐᓇ ᑲᑎᒪᓂᖅ ᐃᓂᓪᓚᑕᐅᓯᒪᓚᕿᓗᐊᓚᐅᔪᕗᖅ ᐃᓄᐃᑦ ᑭᒡᒐᑐᕐᑏᑦ ᑐᑭᑖᕋᓱᐊᖃᑕᐅᖁᑦᓱᒋᑦ. ᑖᓐᓇ ᐱᑦᔪᑕᐅᑎᓪᓗᒍ, ᐃᑉᐱᒋᔭᐅᑦᓯᐊᓚᐅᔪᕗᑦ ᑭᒡᒐᑐᕐᑎᖃᑦᓯᐊᒪᖔᑕ ᐃᓄᐃᑦ ᑲᑐᑦᔨᖃᑎᒌᓐᓂᖏᑦ, ᐱᓇᓱᕝᕕᖏᑦ ᓄᓇᓕᖏᓪᓗ.

ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔨᓂᒃ ᐸᕐᓀᕈᑎᖃᕐᓱᑎᒃ, ᓄᓇᕕᒻᒥ ᐃᓗᓯᓕᕆᕕᐅᑉ ᑲᑎᒪᔨᖏᑦ ᕿᒥᕐᕈᓚᐅᔪᕗᑦ ᖃᐅᔨᓴᐅᑎᐅᓯᒪᔪᓂᒃ ᑲᕙᒪᒃᑯᓗ ᐊᒡᓚᖁᑎᖏᓐᓂᒃ ᖃᐅᔨᒋᐊᕐᕕᖃᕐᓱᑎᓪᓗ ᑕᒪᑐᒧᖓ ᐊᑦᑐᐊᔭᐅᓂᖃᕐᑐᓕᒫᓂᒃ ᑐᕃᓐᓇᑐᒃᑯᑦ ᑐᕃᓐᓇᖏᑦᑐᑯᓪᓗ ᖃᓄᐃᑦᑐᒦᓕᕐᓂᖏᓐᓄᑦ ᐅᕕᒃᑫᑦ, ᐃᓱᒪᒃᑯᑦ ᐃᑲᔪᕐᑕᐅᒋᐊᓖᑦ ᐅᐃᕆᓯᒪᐅᑎᓖᓪᓗ. ᑲᑎᒪᓂᕐᒥ, ᐱᖓᓱᐃᑦ ᐱᒍᑦᔨᐅᑎᐅᒋᐊᓖᑦ ᕿᒥᕐᕈᔭᐅᖁᔭᐅᓯᒪᔪᑦ ᕿᒥᕐᕈᔭᐅᑦᓯᐊᓕᕐᓂᖁᑦ. ᐊᑐᓂ, ᐃᓘᓐᓈᒍᑦ ᖃᓄᐃᓕᖓᓕᕐᓂᖏᑦ ᒪᓂᔭᐅᕐᖄᓚᐅᔪᕗᑦ ᐅᖃᐅᓯᐅᕐᖄᓱᑎᓪᓗ. ᑕᒐᑕᒐ ᐱᒍᑦᔨᐅᑎᐅᔪᑦ ᒪᓂᔭᐅᓂᐊᓕᕐᒥᒪᑕ ᐅᖃᐅᓯᐅᑦᓱᑎᓪᓗ ᖃᐅᔨᒪᐅᑎᑦᓴᓯᐊᒍᓂᐊᕐᑎᓗᒋᑦ ᓇᓗᓀᕐᓯᒍᑎᑦᓴᐅᓗᑎᓪᓗ ᓇᓪᓕᐊᒍᑦ ᐱᒍᑦᔨᐅᑏᑦ ᐃᓚᑰᓗᐊᕐᒪᖔᑕ ᓱᓀᓪᓗ ᑭᖕᖒᒪᒋᔭᐅᒻᒪᖔᑕ. ᐱᒍᑦᔨᐅᑏᑦ ᐃᓚᑰᓗᐊᕈᑎᖏᑦ ᐅᖃᐅᓯᐅᔪᕕᓃᑦ ᓂᕈᐊᕈᑕᐅᑦᓱᑎᓪᓗ ᓇᓪᓕᖏᑦ ᐱᖓᓱᑦ ᐱᒍᑦᔨᐅᑏᑦ ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔨᓄᑦ ᓇᓗᓀᕐᑕᐅᒪᖔᑕ ᐱᑦᓯᐊᕆᐊᕐᑎᑕᐅᔪᑦᓭᑦ ᓄᐃᑕᐅᕐᖄᑐᑦᓭᓘᓐᓃᑦ.

ᐅᒡᓗᒥ ᑭᖑᓪᓕᐹᒥ ᑲᑎᒪᑦᓱᑎᒃ ᖃᐅᔨᓴᓚᐅᔪᕗᑦ ᐃᒣᓕᖓᔪᑦᓴᐅᖂᕐᒪᑖᓚᒍᑎᐅᓯᒪᔪᑦ ᐊᒡᓚᑕᐅᒋᐊᖕᖓᕈᑎᑦᓴᖏᓐᓂᒃ ᖁᓕᐅᖕᖏᒐᕐᑐᑦ ᐱᒍᑦᔨᐅᑎᑦᓭᑦ ᓇᓗᓀᕐᑕᐅᓯᒪᔪᑦ ᓯᕗᓪᓕᐅᔨᒐᑦᓴᐅᓱᑎᒃ ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔨᓄᑦ ᐱᓪᓗᒋᑦ. ᑐᑭᑖᑦᓯᐊᕋᓱᐊᓚᐅᔪᕗᑦ ᐃᓄᐃᑦ ᐃᒣᓕᖓᔪᑦᓴᐅᖂᕐᒪᑖᓚᒍᑎᑦᓴᓕᐅᖃᑕᐅᑦᓯᐊᖁᑦᓱᒋᑦ. ᑐᑭᑖᕈᑎᒋᖕᖏᑲᓗᐊᕐᓱᒍ ᖃᓄᐃᓕᖓᓂᕆᒐᔭᕐᑕᖓ, ᐱᓇᓱᕝᕖᑦ ᐊᑐᓂ ᐊᒡᓚᑕᐅᒋᐊᖕᖓᐅᑎᖏᓐᓄᑦ ᐃᓚᐅᒍᒪᒐᔭᕐᑐᑦ ᐃᓚᐅᑦᓯᐊᕋᔭᕐᑎᓗᒋᑦ ᑐᑭᑖᓕᓚᐅᔪᕗᑦ. ᓄᓇᕕᒻᒥ ᐃᓗᓯᓕᕆᕕᒻᒥᒃ ᑭᒡᒐᑐᕐᑐᑦ ᕿᓄᒍᑎᓕᐅᑦᓴᐅᑎᒋᓂᐊᕐᓂᕋᓚᐅᔪᕗᑦ.

ᑕᒪᓐᓇᐅᒪᑦ, 2010-ᒥ ᐅᑭᐊᑦᓴᐅᑎᓪᓗᒍ, ᐊᖏᕈᑕᐅᓚᐅᔪᕗᖅ ᐱᓇᓱᕝᕕᓄᑦ ᑕᒣᓐᓄᑦ ᐊᑐᓂᑦ ᐱᒍᑦᔨᐅᑏᑦ ᕿᒥᕐᕈᔭᐅᓯᒪᔪᑦ, ᐃᒫᙰᓚᔨᐅᓂᕐᒧᑦ ᑲᑎᒪᔨᓂᒃ ᓄᐃᑦᓯᒍᑕᐅᓚᖓᑎᓪᓗᒋᑦ ᓱᓇᒥᑦᓯᐊᑐᑦ ᐃᒣᓕᖓᔪᑦᓴᐅᖂᕐᒪᑖᓚᒍᑎᑦ ᐊᐅᓚᑕᐅᑦᓯᐊᖁᑦᓱᒋᑦ. ᐃᒫᙰᓚᔨᐅᓂᕐᒧᑦ ᑲᑎᒪᔩᑦ, ᑭᒡᒐᑐᕐᑎᑕᖃᕋᔭᕐᑎᓗᒋᑦ ᑕᒪᑐᒥᖓ ᐱᓇᓱᐊᖃᑕᐅᒍᒪᓯᒪᔪᑦ ᐊᖓᔪᕐᖃᐅᑎᖏᑦᑕ ᓇᓪᓕᐊᓂᒃ. ᐃᒫᙰᓚᔨᐅᓂᕐᒧᑦ ᑲᑎᒪᔩᑦ ᑎᓕᔭᐅᒪᐅᑎᖃᕋᔭᕐᑎᓗᒋᑦ ᐃᑉᐱᒋᔭᖃᕐᓂᒥᒃ ᑲᑎᒪᔨᓕᐊᒍᓯᒪᒻᒥᔪᓂᒃ ᐊᐅᓚᑦᓯᔪᑦᓴᓂᒃ ᐃᒣᓕᖓᔪᑦᓴᐅᖂᕐᒪᑖᓚᒍᑎᓂᒃ ᐱᒍᑦᔨᐅᑎᑦᓴᓂᒃ ᓯᕗᓪᓕᐅᔨᒐᑦᓴᓕᐊᒍᓯᒪᔪᓂᒃ ᐋᕐᕿᓱᕐᓯᒪᖃᑎᒌᓐᓂᒧᑦ ᑲᑎᒪᔨᓄᑦ. ᑲᑎᒪᔨᓕᐊᒍᓯᒪᔪᓄᑦ ᐃᓚᐅᔪᑦ ᐊᐅᓚᑕᐅᓂᖏᓪᓗ ᑲᑎᒪᔩᑦ ᐃᓄᐃᑦ ᐱᒍᒪᔭᖏᓐᓅᓕᖓᒋᐊᖃᕐᓯᒪᔪᑦ ᐃᓱᒪᑦᓴᓯᐅᕈᑕᐅᓕᕈᑎᒃ ᑐᑭᑖᕈᑕᐅᒐᓱᐊᓕᕈᑎᓪᓗ.

ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᔩᑦ ᐱᓇᓱᒍᓯᖓ

pdf  ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᔩᑦ ᐱᓇᓱᒍᓯᖓ

Download IPQ Process Chart (english accessible version)

ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᔩᑦ ᑲᑎᒪᔨᖏᑦᑕ ᐊᓪᓚᑕᐅᓯᒪᐅᑎᖏᑦ

pdf  ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᔩᑦ ᑲᑎᒪᔨᖏᑦᑕ ᐊᓪᓚᑕᐅᓯᒪᐅᑎᖏᑦ

IPQ Committee Chart (english accessible version) 

 

Occasionally, students will deliberately www.homework-writer.com/ cheat or plagiarise.