ᓄᓇᕕᒻᒥ ᐃᒻᒥᓂᐊᕐᑌᓕᒪᒍᑎᑦᓴᓂᒃ ᐱᒋᐅᕐᓴᑎᑦᓯᔪᑦᓭᑦ ᐱᒋᐅᕐᓴᑎᑕᐅᓂᖓ

ᐱᖓᓱᑦ ᓇᓗᓀᕐᑕᐅᒍᑎᑖᕐᓯᒪᔪᑦ ASIST-ᑎᒍᑦ ᐱᒋᐅᕐᓴᑎᑦᓯᔩᑦ ᑰᑦᔪᐊᒥᐅᑦ ᐱᒋᐅᕐᓴᑎᑦᓯᓚᐅᔪᕗᑦ (ᓲᓯ ᖃᐅᒃᑫ, ᐄᕙ ᓚᐹᑦᔾ, ᕚᓗᕆ ᓛᒃ)
ᐱᖓᓱᑦ ᓇᓗᓀᕐᑕᐅᒍᑎᑖᕐᓯᒪᔪᑦ ASIST-ᑎᒍᑦ ᐱᒋᐅᕐᓴᑎᑦᓯᔩᑦ ᑰᑦᔪᐊᒥᐅᑦ ᐱᒋᐅᕐᓴᑎᑦᓯᓚᐅᔪᕗᑦ (ᓲᓯ ᖃᐅᒃᑫ, ᐄᕙ ᓚᐹᑦᔾ, ᕚᓗᕆ ᓛᒃ)

ᑰᑦᔪᐊᖅ, ᑯᐯᒃ, ᑎᓯᒻᐱᕆ 8, 2014 – ᓄᓇᕕᒻᒥ ᐃᓗᓯᓕᕆᕕᒻᒥᑦ ᑲᔪᓯᑎᑕᐅᓂᖃᕐᓯᒪᕗᖅ ᓄᓇᕕᒻᒥ ᐃᒻᒥᓂᐊᕐᑌᓕᒪᒍᑎᑦᓴᓂᒃ ᐱᒋᐅᕐᓴᑎᑦᓯᔪᑦᓭᑦ ᐱᒋᐅᕐᓴᑎᑕᐅᓂᖓ. 2010-ᒥ, ᓄᓇᕕᒻᒥ ᐱᓇᓱᐊᓯᓚᐅᔪᕗᑦ, ᐃᓗᓯᓕᕆᓂᕐᒥ ᐱᒍᑦᔨᐅᑎᓂᒃ ᕿᒥᕐᕈᓂᕐᒥᒃ, ᑐᕌᒐᖃᕈᑕᐅᔪᒥᒃ ᐃᒣᓕᖓᔪᑦᓴᐅᖂᕐᒪᑖᓚᒍᑎᑦᓴᓕᐅᕐᓂᒥᒃ ᓄᓇᓕᓕᒫᓂ ᓯᕗᓪᓕᐅᔨᒐᑦᓴᓕᐊᒍᓯᒪᔪᓂᒃ ᐱᓇᓱᖃᑎᒋᔭᖏᓐᓄᑦ ᓄᓇᕕᒻᒥ ᐃᓗᓯᓕᕆᓂᐅᑉ ᐃᓄᓕᕆᓂᐅᓪᓗ.ᓄᓇᕕᒻᒥ ᐃᓗᓯᓕᕆᕕᒻᒥᑦ ᐊᖏᕈᑕᐅᓯᒪᔪᑦ ᐃᒣᓕᖓᔪᑦᓴᐅᖂᕐᒪᑖᓚᒍᑎᑦᓴᓕᐊᒍᓯᒪᔪᑦ ᓄᓇᓕᓕᒫᓂ ᐃᒻᒥᓂᐊᕐᑌᓕᒪᒍᑎᑦᓴᓕᕆᓂᕐᒧᑦ ᑲᑎᒪᔨᓄᑦ. ᐃᒣᓕᖓᔪᑦᓴᐅᖂᕐᒪᑖᓚᒍᑎᐅᓯᒪᖃᑕᐅᑎᓪᓗᒍ ᓄᓇᓕᓐᓂ ᐃᒻᒥᓂᐊᕐᑌᓕᒪᒍᑎᖃᕐᑎᓯᑦᓯᐊᓂᖅ. ᓯᕗᓪᓕᐅᔨᒐᑦᓴᓕᐊᕆᔭᐅᓯᒪᕗᑦ ᑲᒪᒍᑎᑦᓭᑦ ᓄᓇᓕᒻᒥ, ᐊᕐᖁᑎᒋᓗᒍ ᐃᒻᒥᓂᐊᕐᑌᓕᒪᒍᑎᑦᓴᓂᒃ ᐱᒋᐅᕐᓴᑎᑦᓯᔪᑦᓭᑦ ᐱᒋᐅᕐᓴᑎᑕᐅᓂᖓᑕ ᑲᑎᒪᓂᐊᕈᓯᖃᕈᑕᐅᓂᖓ.
“ᓯᕗᓂᕐᒥ ᐊᑯᓂᐅᒍᓐᓀᑐᖅ, ᓄᓇᕕᒻᒥᐅᓂᒃ ᐊᒥᓱᒋᐊᓪᓚᓂᒃ ᑲᖐᒋᔭᖃᖁᔨᓛᕐᖁᒍᑦ ᐱᒋᐅᕐᓴᓂᐅᓲᒥᒃ ASIST-ᑎᒍᑦ ᐱᒋᐅᕐᓴᖃᑕᐅᖃᑦᑕᖁᑦᓱᒋᓪᓗ. ᐊᐅᓚᑦᔦᒍᑎᖃᕈᒪᒐᑦᑕ ᑫᓪᓚᑐᐃᒍᑎᒋᓗᒍᓗ ᓄᓇᕐᖃᑎᒌᓂᒃ, ᑕᒪᑐᒥᖓᓗ ᐱᓇᓱᐊᖃᑕᐅᔪᓂᒃ ᐱᓇᓱᕝᕕᓂᓪᓗ ᕿᓄᒍᑎᖃᖃᑦᑕᖁᑦᓱᒋᑦ ᐱᒋᐅᕐᓴᓂᐅᓲᒥᒃ ASIST-ᑎᒍᑦ,” ᑐᑭᓯᑎᑦᓯᓂᕐᖁᖅ ᒥᓂ ᑯᔦ, ᓄᓇᕕᒻᒥ ᐃᓗᓯᓕᕆᕕᒻᒥ ᑲᒪᔨᒻᒪᕆ.

ᐱᖓᓲᔪᕐᑐᑦ ᐃᓄᐃᑦ ᐱᒋᐅᕐᓴᑎᑦᓯᔪᑦᓭᑦ, ᓵᓕ ᓇᐅᒃᑲᕈᐊᖅ, ᓚᓕ ᐋᓇᖃᑕᖅ, ᒫᑕ ᐃᓄᒃᐸᖅ, ᐄᕙ ᓚᐹᑦ, ᓲᓯ ᖃᐅᒃᑫ ᒍᐊᑦ ᐊᒻᒪᓗ ᕚᓗᕆ ᓛᒃ, ᐱᒋᐅᕐᓴᑎᑕᐅᓯᒪᕗᑦ ᓄᓇᓕᖁᑎᑦᑎᓂ ᑲᑎᒪᓂᐊᕈᓯᖃᕐᑎᓯᒍᓐᓇᓂᕐᒥᒃ ᐃᒻᒥᓂᐊᕐᑌᓕᒪᒍᑎᑦᓴᓂᒃ. ᐱᒍᓐᓇᐅᑎᑖᕐᓯᒪᔪᑦ Living Works -ᑯᓐᓂᑦ, ᐃᓕᑕᕆᔭᐅᓂᖃᕐᓱᓂ ᐱᒋᐅᕐᓴᑎᑦᓯᕕᒻᒥᑦ ᐃᒻᒥᓂᐊᕐᑌᓕᒪᒍᑎᑦᓴᓂᒃ.

asist logo ASIST-ᑎᒍᑦ ᐱᒋᐅᕐᓴᓂᖅ ᑲᒪᔨᐅᓲᓕᒫᓅᓕᖓᕗᖅ ᐃᓱᕐᕆᒋᓗᒍ, ᓇᓗᕐᖁᑎᒍᓐᓀᓗᒍ ᐱᒍᓐᓇᓯᐊᕐᓗᒍᓗ ᐃᓕᑕᕐᓯᒍᓐᓇᓯᒍᒪᔪᓄᑦ ᐊᑦᑕᓇᕐᓯᓂᐅᔭᕐᑐᖃᕐᐸᑦ ᐃᒻᒥᓂᐊᑐᐃᓐᓇᕆᐊᖃᕐᓂᒧᑦ ᖃᓄᕐᓗ ᑲᒪᒋᔭᐅᓲᒍᒻᒪᖔᑦ ᐃᒻᒥᓂᐊᕐᓂᐅᔭᕐᓂᒦᑦᑐᖅ. ᑲᑎᒪᓂᐊᕈᓯᐅᑦᓱᓂ ᐃᒻᒥᓂᐊᕐᑌᓕᒪᒍᑎᑦᓴᓂᒃ ᓴᓇᕐᕈᑎᑦᓴᓕᐅᕐᕕᐅᒍᓐᓇᑐᖅ. ASIST-ᑎᒍᑦ ᐱᒋᐅᕐᓴᓂᖅ ᐃᒻᒥᓂᐊᕐᓂᐅᔭᕐᑐᖃᕐᐸᑦ ᑲᒪᑦᓴᐅᑎᒋᒍᓐᓇᓂᕐᒥᒃ ᐱᒋᐅᕐᓴᓂᐅᕗᖅ; ᐊᑦᑕᓇᕐᑐᒦᑦᑐᒥᒃ ᐃᑉᐱᒋᔭᖃᕈᓐᓇᓂᕐᒥᒃ ᐊᓯᖏᑦ ᐃᑲᔪᕐᑐᓭᑦ ᓄᐃᖕᖏᓂᖏᓐᓂ.

ᐱᒋᐅᕐᓴᖃᑕᐅᔪᑦ ᐃᓕᓴᓲᑦ:

  • ᐃᓕᑕᕐᓯᒍᓐᓇᓂᕐᒥᒃ ᒪᓗᓐᓇᐅᑎᓂᒃ ᐃᑲᔪᕐᓯᔭᐅᒍᒪᔪᓂᓪᓘᓃᑦ;
  • ᐊᑐᐃᓐᓇᐅᕕᖃᕐᓂᒥᒃ ᐃᑲᔪᕐᓯᒪᒍᓐᓇᓂᕐᒥᓗ;
  • ᕿᒥᕐᕈᓂᕐᒥᒃ ᐊᑦᑕᓇᕐᓯᒍᑕᐅᒍᓐᓇᓂᖓᓂᒃ ᐃᒻᒥᓂᐊᕐᓂᐅᑉ;
  • ᐃᒻᒥᓂᐊᕐᑌᓕᒪᒍᑎᑦᓴᓂᒃ ᐊᑑᑎᑎᑦᓯᖃᑦᑕᓂᖅ;
  • ᓄᓇᓕᒻᒥ ᐃᑲᔪᕐᑕᐅᕕᓐᓂᒃ ᐱᑐᑦᓯᒪᖃᑎᖃᕐᓂᖅ.

ᓄᓇᕕᒻᒥ ᐃᒻᒥᓂᐊᕐᑌᓕᒪᒍᑎᑦᓴᓂᒃ ᐃᑲᔪᕐᓯᐅᑎᖃᕈᓐᓇᐳᑎᑦ ᐱᒋᐅᕐᓴᖃᑕᐅᓗᑎᑦ ᐱᒋᐅᕐᓴᑐᓄᑦ ᐃᒻᒥᓂᐊᕐᑌᓕᒪᒍᑎᑦᓴᓂᒃ ᐱᒋᐅᕐᓴᑎᑦᓯᔪᑦᓴᓄᑦ. ᑲᑎᒪᓂᐊᕈᓯᖃᕐᑎᓯᒍᒪᒍᕕᑦ ᓄᓇᓕᑦᓯᓂ, ᑐᑭᓯᒋᐊᑦᓯᐊᕈᒪᒍᕕᓪᓘᓃᑦ, ᖃᐅᔨᒋᐊᕐᕕᒋᓗᒍ :

ᓲᓯ ᖃᐅᒃᑫ, ᐱᒋᐅᕐᓴᓯᒪᑦᓱᓂ ASIST-ᑎᒍᑦ ᐱᒋᐅᕐᓴᑎᑦᓯᔨ ᐅᖄᓚᕕᒋᓗᒍ (819) 964-2222, ᐊᒡᓚᕕᖓᓄᑦ 275, ᐊᑭᓕᕇᕐᓯᒪᔪᒧᓪᓘᓃᑦ ᐅᕗᖓ 1-844-964-2244, ᖃᕆᑕᐅᔭᒃᑯᓘᓐᓃᑦ ᐅᕗᖓ suzy.kauki@ssss.gouv.qc.ca.

ᓄᓇᕕᒻᒥ ᓄᓇᓕᓕᒫᓂ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑲᑎᒪᔩᑦ ᓇᐅᓕᒫᓂᒃ ᐱᒍᑦᔨᔨᐅᕗᑦ ᓄᐃᑕᐅᓯᒪᑦᓱᑎᒃ 1978-ᒥ ᔦᒥᓯ ᐯᒥ ᑯᐯᓪᓗ ᑕᕐᕋᖓᓂ ᐊᖏᖃᑎᒌᒍᑎᑎᒍᑦ. ᑲᒪᒋᔭᑦᓴᖃᕐᓱᑎᒃ ᑯᐯᓕᒫᑲᓵᒥᒃ 55 ᐃᑳᖓᔫᑉ ᑕᕐᕋᖓᓃᑦᑐᓂᒃ ᐱᕕᑦᓴᖃᕐᑎᓯᓂᕐᒧᑦ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᓂᕐᓂᒃ ᓄᓇᖃᕐᑐᓂᒃ ᓄᓇᓕᓐᓂ ᖁᓕᓪᓗ ᓯᑕᒪᓪᓗᓂ.

– 30 –

ᑐᓴᕐᑎᓯᔪᑦ:
ᓄᓇᕕᒻᒥ ᓄᓇᓕᓕᒫᓂ ᐃᓗᓯᓕᕆᓂᕐᒥᒃ ᐱᒍᑦᔨᓂᕐᓄᑦ ᑲᑎᒪᔩᑦ
ᓇᐅᓕᒫᓂᒃ ᐃᓗᓯᓕᕆᓂᕐᒥᒃ ᐊᒡᓚᕕᒃ

ᑐᑭᓯᒋᐊᕐᑐᕕᑦᓴᖅ:
ᑖᓐ ᕗᐊᕆ
ᑐᓴᕋᑦᓴᓕᕆᔨ, ᓄᓇᕕᒻᒥ ᐃᓗᓯᓕᕆᕕᒻᒥ
819 964-2222, ᐊᒡᓚᕕᖓᓄᑦ 251

Read the news release

 

This essay, will outline that a is similar to b write my essay service online usa
Facebooktwittergoogle_plusmailFacebooktwittergoogle_plusmail

ᐅᖃᐅᓯᑦᓴᑎᑦ ᑭᐅᒍᑎᑦᓴᑎᓪᓘᓃᑦ ᒫᓂ ᐊᒡᓚᓗᒋᑦ

ᖃᕆᑕᐅᔭᒃᑯᑦ ᑐᕌᒍᑎᑎᑦ ᓄᐃᑕᑎᑕᐅᓚᖓᙱᑐᑦ. ᐊᒡᓚᕕᐅᓯᒪᓪᓗᑐᕆᐊᖃᕐᓂᖏᑦ ᓇᓗᓀᕐᑕᐅᓯᒪᒍᑎᓖᑦ ᐃᒣᓕᖓᔪᒧᑦ •