ᓄᓇᕕᒻᒥ ᑎᒥᒃᑯᑦ ᖃᓄᐃᖕᖏᓯᐊᕆᐊᖃᕐᓂᖅ

ᑲᔪᓯᑎᓂᐊᕐᓗᒋᑦ ᐱᓇᓱᐊᕐᑕᐅᔪᑦ ᐃᓗᓯᓕᕆᓂᕐᒥᒃ ᐱᒍᑦᔨᐅᑎᓂᒃ ᕿᒥᕐᕈᓂᑎᒍᑦ ᑎᒥᒃᑯᑦ ᖃᓄᐃᖕᖏᓯᐊᕆᐊᖃᕐᓂᒨᓕᖓᔪᑦ, ᓱᒐᑦᓴᖃᕐᑎᓯᒍᑎᑕᖏᑦ ᓯᑕᒪᐅᔪᕐᑐᑦ ᐱᒍᑦᔨᐅᑏᑦ ᑲᔪᓯᔭᐅᓂᕆᒐᔭᕐᑕᖏᑦ:

  • ᐱᐊᕋᑦᓴᓖᑦ ᐱᐊᕋᕐᑖᖃᒻᒦᓗ ᖃᓄᐃᖕᖏᓯᐊᕆᐊᖃᕐᓂᖓ;
  • ᐱᐊᕃᑦ ᑲᒃᑲᓛᑦ ᐋᓐᓂᐊᓯᐅᕐᑎᒪᕆᖃᕐᓂᖓ;
  • ᐃᓱᒪᒃᑯᑦ ᐃᓗᓯᓕᕆᓂᖅ (ᐃᓄᒻᒪᕇᑦ ᐱᐊᕃᓪᓗ ᑲᒃᑲᓛᓪᓗ ᐃᓱᒪᓕᕆᔨᖃᕐᓂᖓ ᐃᕐᖃᒐᕐᑖᑎᑦᓯᒍᓐᓇᑐᓂᒃ);
  • ᐊᑯᓃᕐᑐᒥᒃ ᐋᓐᓂᐊᖃᕐᓂᖅ, ᑲᒡᒍᑎᖃᕐᓂᖅ ᐊᒻᒪᓗ ᐃᓅᒍᓐᓀᕆᐊᕕᑦᑐᑦ ᑲᒪᒋᔭᐅᓂᖓ;
  • ᐃᓘᓐᓈᒍᑦ ᐱᒍᑦᔨᐅᑏᑦ,
  • ᐊᑯᓂᐅᖕᖏᑐᖅ ᑲᒪᒋᔭᐅᒋᐊᓖᑦ;
  • ᐱᒍᑦᔨᐅᑎᐅᓗᑭᖕᖏᑐᑎᒍᑦ ᐱᒍᑦᔨᐅᑏᑦ (ᑲᒪᒋᔭᐅᒋᐊᓪᓚᑖᕐᓂᖅ);
  • ᑎᒥᒃᑯᑦ ᐱᕐᖃᔭᑦᓯᐊᖏᑦᑑᒍᑎᖃᕐᓂᖅ ᑎᒥᒃᑯᓗ ᐱᒋᐅᕐᓴᑎᑕᐅᒋᐊᖃᕐᓂᖅ;
  • ᑭᒍᑎᓐᓂᐊᕕᖃᕐᓂᖅ.

ᑲᔪᓯᔪᒥᒃ ᐱᒍᑦᔭᐅᕕᑦᓴᖃᕐᓂᖅ ᐱᕙᓪᓕᐊᑕᕐᑐᒥᒃ ᐊᐅᓚᑕᐅᓂᖃᓲᖅ ᐊᑐᕐᑎᐅᑉ ᖃᓄᐃᒍᑎᖓ ᒪᓕᑦᓱᒍ ᖃᓄᐃᓯᓂᖓᓂᑦ ᖃᓄᐃᒍᓐᓀᓂᓕᒫᖓᓄᑦ. ᑲᑎᒪᔨᓕᐅᕈᑕᐅᓛᕐᑐᑦ ᐊᑐᓂ ᐱᒍᑦᔨᐅᑏᑦ ᑕᑉᐱᑯᐊ.

ᑲᔪᓯᔪᒥᒃ ᐱᒍᑦᔨᐅᑏᑦ ᑐᕌᒐᓕᐅᕐᑕᐅᓯᒪᐅᑎᖏ

ᑐᕌᒐᓕᐅᕐᑕᐅᓯᒪᐅᑎᖏᑦ ᑲᑎᒪᔨᑦᓭᑦ ᑲᔪᓯᔪᒥᒃ ᐱᒍᑦᔨᐅᑎᓅᓕᖓᔪᓂᒃ:

  • ᐊᑐᕐᑎᐅᑉ ᖃᓄᐃᓯᓂᖓ ᐱᒋᐊᕐᕕᒋᓗᒍ ᐃᑉᐱᒋᔭᐅᓂᖃᕐᓂᐊᑎᓪᓗᒍ ᖃᓄᐃᒍᓐᓀᖏᓐᓂᓕᒫᖓᓂ. ᑕᒪᓐᓇ ᐱᑦᔪᑎᒋᑦᓱᒍ, ᑲᑎᒪᔨᓕᐊᒍᓯᒪᔪᓄᑦ ᐃᓚᐅᔪᑦ ᐃᒣᒋᐊᖃᓛᕐᖁᑦ:
    • ᖃᐅᔨᓴᑦᓯᐊᓗᒋᑦ ᐃᓗᓯᕐᒥᒍᑦ ᐃᓅᓯᕐᒥᒍᓪᓗ ᖃᓄᐃᓕᖓᓂᖏᑦ ᓄᓇᕕᒻᒥᐅᑦ (ᐊᑯᓃᖕᖏᑐᒨᓕᖓᔪᖅ);
    • ᖃᐅᔨᓴᕐᓗᒋᑦ ᐱᒍᑦᔨᐅᑏᑦ ᐊᑐᐃᓐᓇᐅᔪᑦ ᓄᓇᕕᒻᒥ (ᐊᑯᓃᖕᖏᑐᒨᓕᖓᔪᖅ);
    • ᐱᓇᓱᖃᑎᒋᓲᕗᑦ ᐊᖏᖃᑎᒌᒍᑎᓕᐅᖃᑎᒋᓗᒋᑦ ᐱᒍᑦᔨᐅᑎᑦᓴᓂᒃ (ᐊᑯᓃᖕᖏᓂᕐᓴᒨᓕᖓᔪᖅ);
    • ᑲᑎᒪᔨᓕᐅᕐᓂᖅ ᐱᒍᑦᔨᐅᑏᑦ ᑲᔪᓯᒋᐊᖃᕐᓂᖏᓐᓄᑦ;
    • ᐃᒫᙰᕈᑎᑦᓴᓕᐅᕐᓂᖅ ᑲᑎᒪᔨᓂᒃ (ᐱᒍᑦᔨᐅᑏᑦ ᐊᑐᓂ ᑲᔪᓯᒋᐊᖃᕐᓂᖏᑦ ᐱᓪᓗᒋᑦ) (ᐊᑯᓃᖕᖏᓂᕐᓴᒨᓕᖓᔪᖅ, ᓯᕗᓪᓕᐹᑦ ᐃᒫᙰᕈᑎᐅᓯᒪᔪᑦ (ᐅᒃᑑᐱᕆ 2016-ᒥ));
    • ᐃᓚᐅᑎᑦᓯᐊᓗᒋᑦ ᓲᓱᒋᔭᐅᒋᐊᖃᕐᓂᖓ ᐃᓄᐃᑦ ᐱᒻᒪᕆᖁᑎᖏᑦᑕ ᐱᓇᓱᐊᓲᖏᑦᑕᓗ ᐱᒍᑦᔨᐅᑎᓄᑦ;
    • ᐱᒍᑦᔨᐅᑏᑦ ᖃᓂᒋᔭᐅᓂᕐᓴᒨᕋᓱᐊᕐᓗᒋᑦ ᑕᕐᕋᒥᐅᑦ ᑲᒪᒋᔭᐅᑦᓯᐊᓂᕐᓴᐅᖁᒧᑦ;
    • ᑲᒪᒋᔭᐅᒍᑎᖏᑦ ᐊᑐᕐᑏᑦ ᐊᑭᑭᓐᓂᓴᐅᖁᑦᓱᒋᑦ.