ᐳᑦᑕᐅᑏᑦ ᑲᑎᒪᓂᕐᔪᐊᖓ: ᓯᕗᓪᓕᐹᖅ ᓄᓇᓕᓕᒫᓂ ᐃᓅᓯᕐᒥᒃ ᑭᐱᓯᑦᑌᓕᒍᑎᑦᓴᓕᕆᓂᐅᓛᕐᑐᖅ ᐊᖕᖏᐊᖏᔭᕐᓂᐅᓗᓂᓗ ᓄᓇᕕᒻᒥ

Local Planning Committee in Puvirnituq
Local Planning Committee in Puvirnituq

ᑰᑦᔪᐊᒥᑦ, ᔫᓂ 18, 2015 – ᓄᓇᓕᓕᒫᓂ ᐃᓅᓯᕐᒥᒃ ᑭᐱᓯᑦᑌᓕᒍᑎᑦᓴᓂᒃ ᐱᓇᓱᖃᑎᒌᒍᑎᓕᓐᓂᒃ, ᑭᒡᒐᑐᕐᓱᑎᒃ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᐅᐱᒍᓱᑦᓱᑎᒃ ᖃᐅᔨᒪᔭᐅᖁᔨᕗᑦ ᓯᕗᓪᓕᐹᑦᓯᐊᒥᒃ ᓄᓇᓕᓕᒫᓂᑦ ᐱᓯᒪᔪᑦ ᐃᓅᓯᕐᒥᒃ ᑭᐱᓯᑦᑌᓕᒍᑎᑦᓴᓅᓕᖓᔪᒥᒃ ᐊᖕᖏᐊᖏᔭᕐᓂᐅᓗᓂᓗ ᑲᑎᒪᓂᕐᔪᐊᖃᓛᕐᒪᑦ ᐳᕕᕐᓂᑐᒥ ᐅᒃᑑᐱᕆ 5-ᒥᑦ 10-ᒧᑦ.

ᑲᑎᒪᓂᕐᔪᐊᖃᕐᑎᓗᒍ, 66 ᐃᓚᐅᓛᕐᑐᑦ ᓄᓇᕕᒻᒥᐅᑦ ᐃᓅᓯᕐᒥᒃ ᑭᐱᓯᑦᑌᓕᒍᑎᑦᓴᓅᓕᖓᔪᓂᒃ ᐱᒋᐅᕐᓴᑎᑦᓯᔨᑦᓭᑦ ᐱᒋᐅᕐᓴᔭᐅᓂᖃᕐᑎᓗᒋᑦ, ᐃᕐᖃᓇᕐᑐᖁᑏᓪᓗ ᑲᑎᒪᓂᐊᕈᓯᖃᕈᑕᐅᓗᑎᒃ ᐊᒻᒪᓗ ᐊᖕᖏᐊᖏᔭᕐᓂᓗ ᐃᓓᕐᓯᒪᓂᕐᒧᓗ ᐅᒡᒍᐊᓂᕐᒦᓂᕐᒧᑦ ᑲᑎᒪᓂᐊᕈᓯᖃᖃᑦᑕᓗᑎᒃ. ᐳᕕᕐᓂᑐᒥᐅᑦ ᐃᓚᐅᔪᓂᒃ ᓱᖃᑦᓯᑎᑦᓯᖃᑦᑕᓛᕐᒥᔪᑦ, ᐃᓕᕐᖁᓯᕐᒥᓂᓪᓗ ᑕᑯᑦᓴᐅᑎᑦᓯᖃᑦᑕᓗᑎᒃ.

ᐅᓪᓗᒥ ᑭᖑᓪᓕᐹᖓᓂ ᑲᑎᒪᓂᕐᔪᐊᑉ, ᖃᓄᐃᖕᖏᓯᐊᕐᓂᓕᕆᕐᒥᒃ ᐱᓇᓱᖃᑎᒌᑦᑐᑦ ᑐᑕᐅᒪᑎᑦᓯᓛᕐᒥᔪᑦ ᐱᓇᓱᒍᑎᑦᓴᓂᒃ ᐱᒍᑦᔨᐅᑎᓂᓪᓗ ᓄᓇᕕᒻᒥᐊᑐᐃᓐᓇᐅᔪᓂᒃ, ᐃᓚᐅᔪᑦ ᓄᓇᓕᒻᒥᐅᓗ ᖃᐅᔨᒪᖁᑦᓱᒋᑦ ᐱᒋᐊᕐᑎᑕᐅᓯᒪᔪᓂᒃ ᖃᓄᐃᖕᖏᓯᐊᕐᑎᓯᒋᐊᕈᑎᑦᓴᐅᓱᑎᒃ ᓄᓇᕕᒻᒥᐅᓂᒃ. ᓄᓇᓕᒻᒥᐅᑦ ᓄᓇᓕᐅᑉ ᖃᓄᐃᑦᑑᒍᓐᓇᓂᖓᓂᒃ ᐱᓇᓱᐊᕐᑐᓄᑦ ᐃᓚᐅᒍᓐᓇᓛᕐᒥᔪᑦ ᕿᑎᕋᕇᕐᐸᑦ ᑐᑭᓯᑎᑦᓯᒍᑎᑦᓴᐅᓂᐊᕐᑐᒥᒃ ᓄᓇᕕᒻᒥᐅᑦ ᐊᓯᑦᔨᕙᓪᓕᐊᓯᒪᓂᖏᓐᓂᒃ ᐊᒻᒪᓗ ᖃᓄᖅ ᓄᓇᓕᑦᓯᐊᒍᓂᕐᓴᒥᒃ ᓄᓇᖃᕈᓐᓇᓯᒍᓐᓇᒪᖔᕐᒥᒃ.

ᐊᕐᕌᒍᑕᒫᕐᑕᓗᑎᒃ ᑲᑎᒪᓂᕐᔪᐊᖃᕐᑐᓴᖁᑎᒋᔭᐅᓯᒪᒻᒪᑕ ᓄᓇᕕᒻᒥ ᐃᓗᓯᓕᕆᓂᕐᒥᒃ ᐱᒍᑦᔨᐅᑎᓂᒃ ᕿᒥᕐᕈᓂᑎᒍᑦ ᒪᓐᑐᕆᐊᒥ ᐃᓅᓯᕐᒥᒃ ᑭᐱᓯᑦᑌᓕᒍᑎᑦᓴᓅᓕᖓᔪᓂᒃ ᑲᑎᒪᓂᐅᓲᑉ ᐊᑦᔨᖓᓂᒃ ᓇᐅᓕᒫᓂᒃ ᑲᖐᓱᑦᑎᓯᒋᐊᕈᑎᐅᓂᐊᕐᑎᓗᒍ ᐃᓅᓯᕐᒥᒃ ᑭᐱᓯᖃᑦᑕᓂᐅᓲᒥᒃ ᐊᒻᒪᓗ ᑲᒪᔨᐅᒋᐊᖕᖓᓲᑦ ᓄᓇᓕᒻᒥᐅᓗ ᐃᑲᔪᕐᓯᒪᒍᒪᑦᓱᒋᑦ ᐱᒋᐅᕐᓴᑎᒍᒪᑦᓱᒋᓪᓗ. ᐳᑦᑕᐅᑏᑦ ᑲᑎᒪᓂᕐᔪᐊᖓ ᐊᕐᕌᒍᑕᒫᑦ ᓄᓇᓕᓐᓂ ᓇᓪᓕᖏᓐᓂ ᐊᑑᑎᔭᐅᕙᓚᖓᒍᒪᔪᖅ.

ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᓇᐅᓕᒪᓅᓕᖓᑦᓱᓂ ᐱᓇᓱᕝᕕᐅᕗᖅ ᔦᒥᓯ ᐯᒥ ᑯᐯᓪᓗ ᑕᕐᕋᖓᓂ ᐊᖏᖃᑎᒌᒍᑎᒧᑦ ᓄᐃᑕᐅᓯᒪᑦᓱᓂ 1978-ᒥ. ᑲᒪᒋᔭᑦᓴᖃᕐᓱᓂ 55 ᐃᑳᖓᔫᑉ ᖁᓛᓃᑦᑐᓕᒫᒥᒃ ᓄᓇᒥᒃ ᐃᓗᓯᓕᕆᓂᕐᒥᒃ ᐃᓄᓕᕆᓂᕐᒥᓗ ᐱᒍᑦᔨᐅᑎᓂᒃ ᓄᓇᖃᕐᑐᓂᒃ ᖁᓕᓪᓗ ᓯᑕᒪᓪᓗᓂᒃ.

– 30 –

ᑐᓴᕐᑎᓯᔪᑦ:
ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ

ᑐᑭᓯᒪᐅᑎᑦᓭᑦ:
ᒥᐊᕆᑎ ᑭᕆᕕ
ᑐᓴᕋᑦᓴᓂᐊᕐᑎ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᓄᑦ
819 964-2222, ᐊᓪᓚᕕᖓ
275

Read the news release

 

The university and uts business school are committed to supporting students to learn about scholarly and http://www.pro-essay-writer.com professional integrity as part of their studies
Facebooktwittergoogle_plusmailFacebooktwittergoogle_plusmail

ᐅᖃᐅᓯᑦᓴᑎᑦ ᑭᐅᒍᑎᑦᓴᑎᓪᓘᓃᑦ ᒫᓂ ᐊᒡᓚᓗᒋᑦ

ᖃᕆᑕᐅᔭᒃᑯᑦ ᑐᕌᒍᑎᑎᑦ ᓄᐃᑕᑎᑕᐅᓚᖓᙱᑐᑦ. ᐊᒡᓚᕕᐅᓯᒪᓪᓗᑐᕆᐊᖃᕐᓂᖏᑦ ᓇᓗᓀᕐᑕᐅᓯᒪᒍᑎᓖᑦ ᐃᒣᓕᖓᔪᒧᑦ •